हरमल, उत्तर गोवा लोकसभा निवडणुकीत भाजपने घरोघरी जाऊन प्रचारास प्रारंभ केला असून काल मांद्रे श्री भगवती सप्तेश्र्वर मंदिरात श्रीफ ळ ठेवून प्रचारास प्रारंभ केला.
मांद्रे मतदारसंघाचे भाजपचे प्रवक्ते दयानंद सोपटे यांनी उमेदवार श्रीपाद नाईक यांच्या विजयाचा दावा केला असून डबल इंजीन सरकार असल्याने राज्यात झपाट्याने विकासकामे मार्गी लावली आहेत. काँग्रेस पक्षाने केवळ भ्रष्टाचार केला व देशाला लुटले, असे मत त्यांनी व्यक्त केले.
ते पुढे म्हणाले, भ्रष्टाचारी काँग्रेसने देशाला लुटले असून उमेदवारही तसेच आहेत. उमेदवाराने सहकारी संस्था स्वतःच्या कुटुंबाच्या असल्याचे मानून जनतेचे नुकसान केले. कित्येक लोकांच्या बॅंकेत ठेवी अडकवल्या, पैसे बुडाले, कित्येकांचे रोजगार गेले, कित्येकांना कोर्टाच्या पायऱ्या चढण्यास मजबूर केले.
अशा भ्रष्ट राजकारण्यांच्या भूलथापांना मतदारांनी बळी पडू नये. विकसित भारतासाठी भाजपच्या विविध योजना असून गतीने विकास होत आहे. पंतप्रधान मोदींसाठी दोन्ही उमेदवारांना विजयी करायला हवे.
यावेळी मांद्रे मतदारसंघाचे मंडल उपाध्यक्ष गोविंद आसगावकर सरचिटणीस रवी गोवेकर, सुनील परब, धीरज मांद्रेकर तसेच बूथ प्रमुख, पदाधिकारी, शक्ती केंद्र प्रमुख, पन्ना प्रमुख व भाजप कार्यकर्ते उपस्थित होते.
भाजपचे उमेदवार श्रीपाद नाईक यांनी राज्य व देशासाठी भरीव योगदान दिले आहे. निष्कलंक व स्वच्छ चारित्र्याचा उमेदवार ही भाजपच्या जमेची बाजू असून जनतेने भाजपला भरभरून मतदान करण्याचे आवाहन अरुण नाईक यांनी केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.