शिरोडा: भटवाडा-शिरोडा येथील महामाया विजयते संस्थेतर्फे नववर्ष गुढीपाडवा उत्सव येथील श्री महामाया मंदिरात विविध कार्यक्रमांनिशी साजरा केला जाणार आहे, अशी माहिती संस्थेचे संस्थापक तथा सरपंच अमित शिरोडकर यांनी दिली. सकाळी 6.30 वाजता येथील आवळी भोजन भूखंडात गुढी उभारली जाईल. सकाळी 9.30 वाजता श्री महामाया मंदिरात श्री सत्यनारायण महापूजा, पुराणवाचन, आरती, तीर्थप्रसाद व महाप्रसाद होईल. या पूजेच्या यजमानपदाचा बहुमान पांडुरंग ऊर्फ सुर्लकर यांना लाभला आहे. सायंकाळी पांडुरंग काजरेकर हे संसारफळ पंचांग वाचन करतील. त्यानंतर स्थानिक भजनी कलाकारांचा भजनांचा कार्यक्रम, पावणी होईल. रात्री होणाऱ्या कार्यक्रमाला मंत्री सुभाष शिरोडकर, माजी खासदार नरेंद्र सावईकर, अभियंते पुंडलिक पारकर, सरपंच अमित शिरोडकर, जि. पं.सदस्‍य नारायण कामत उपस्थित राहणार आहेत.