आमोणे : येथील भगत व आमोणकर कुळाव्याचे कुलदैवत श्री कुलपुरुषेश्‍वर या देवाच्या वर्धापनदिन मंगळवारी उत्साहात साजरा झाला. यानिमित्त संगीत पौराणिक कैकेयी या नाट्यप्रयोगाला प्रेक्षकांनी उत्स्फूर्त प्रतिसाद देत कौतूक केले. तत्पूर्वी सकाळी विविध विधी यजमान विठ्ठल व सौ. विमल भगत यांच्याहस्ते पार पडल्या. यानंतर आरती, सामूहिक गाऱ्हाणे, तीर्थप्रसाद व महाप्रसादाचा कार्यक्रम झाला. यावेळी भाविक मोठ्या संख्यने उपस्थित होते.

वर्धापनदिन उत्सवानिमित्त रात्री आठ वाजता मंदिरापुढील मंडपात श्री कुलपुरुष समिती आयोजित व श्री रवळनाथ, महालक्ष्मी, कुलपुरुष महिला गटातर्फे संगीत पौराणिक कैकेयी या नाटकाचे आयोजन करण्यात आले होते. नाटकातील प्रमुख भूमिका असलेल्या कैकयी म्हणजेच सुनिता भगत हिने आपल्या भाषणाने व गायनाने रसिकांना मंत्रमुग्ध केले.

रामच्या पात्रातील नियती सावंत, सीता साकारणारी देवश्री भगत यांनीही शेवटपर्यत प्रेक्षकांना खूर्चीवर खिळवून ठेवले. नाटकास शिवनाथ नाईक यांचे दिग्दर्शन, ऑर्गन-कमलाकांत गावस, तबला- जानू शिखलकर, ध्वनी संयोजन- नरेश नाईक, सहदिग्दर्शक नारायण गोवेकर, नैपथ्य श्री गुरूदास प्रसाद रंगमंच (कासरपाल) यांचीही उत्तम साथ लाभली.

यांनी साकारल्या भूमिका

नाट्यप्रयोगाच्या पात्रात दशरथ-स्नेहा भगत, विश्‍वमित्र-अमिता भगत, भरत-लेखिता रायकर, लक्ष्मण-साची भगत, शत्रुघ्न-शरण्या भगत, रावण - समृद्धी भगत, मंथरा-दीपल भगत, दासी-कनका नार्वेकर, किरात 1- माधुरी भगत, किरात 2- संपदा भगत, मुलगी श्रीनीका भगत, भिल्ल-धनश्री भगत, विष्णू 1-सुवर्षा भगत, विष्णू 2- सुष्मिता भगत व विदूषक/मारुती-संतोषी आमोणकर यांनीही आपल्या भूमिकेतून रसिकांची वाहवा मिळविली.