सोनावली: दूधसागर येथे मालवाहू ट्रेन रुळावरुन घसरल्याने रेल्वे वाहतूक खोळंबली आहे. सोनावली येथे मालवाहू ट्रेनचे सोळा डबे रुळावरु घसरल्याने रेल्वे वाहतूक प्रभावित झाली आहे. शुक्रवारी (दि. ०९ ऑगस्ट) सकाळी सोनावली दरम्यान ही घटना उघडकीस आली.

मालवाहू ट्रेनचा एक डबा दरीत कोसळल्याची माहिती समोर आली आहे. रेल्वे अधिकारी घटनास्थळी दाखल झाले आहेत.

दूधसागर- सोनावली मार्गावर घडलेल्या या घटनेमुळे मार्गावरील वाहतुकीला फटका बसला आहे. रेल्वे कर्मचारी घटनास्थळी दाखल झाले असून, मार्ग पूर्ववत करण्यासाठी युद्धपातळीवर प्रयत्न सुरु आहेत.