Gomantak Young Inspirators: गोमन्तक यंग इन्स्पिरेटर्स नेटवर्कतर्फे ज्ञानप्रसारक महाविद्यालय आसगाव व शासकीय कला, विज्ञान आणि वाणिज्य महाविद्यालय, खांडोळा येथे गरबा-दांडिया कार्यशाळा (Workshop) आयोजित करण्यात आली होती.

या कार्यशाळेला गोव्यातील प्रख्यात गरबा नृत्य प्रशिक्षिका करिश्‍मा शिरोडकर, दीपिष्का गांवकर आणि सोनिया नायक यांनी मार्गदर्शन केले. ज्ञानप्रसारक महाविद्यालयात उपप्राचार्य रश्मी राजेंद्र रेडकर, प्रा. सुभाष करमलकर उपस्थित होते, खांडोळा शासकीय महाविद्यालयात प्रा. मॅवीस, प्रा. आसावरी नायक आदी मान्यवर उपस्थित होते.

दोन्ही महाविद्यालयातील कार्यशाळेस विद्यार्थ्यांचा भरघोस प्रतिसाद लाभला. अशा विविध प्रकारच्या नृत्य प्रकारांची आणि सण उत्सवांची माहिती देणाऱ्या कार्यशाळा अधिक मोठ्या प्रमाणात होणे गरजेचेआहे.

त्या माध्यमातून विद्यार्थ्यांच्या कलागुणांना वाव मिळू शकतो, असे मत प्राचार्य डॉ. पूर्णकला सामंत याप्रसंगी व्यक्त केले. कार्यशाळेच्या शेवटी सर्व सहभागी विद्यार्थ्यांना गोमन्तक यंग इन्स्पिरेटर्स नेटवर्कतर्फे प्रशस्तिपत्र देण्यात आले.