Gomantak Summer Camp : गोमन्तक नेहमीच समाजोपयोगी तसेच समाजप्रबोधनासाठीचे उपक्रम राबवत असतो. या माध्यमातून गोमन्तक समर कॅम्पचे आयोजन बालभवन, पणजी यांच्या सहयोगाने रविवार,14 मे रोजी सकाळी 8.30 ते दुपारी1वाजेपर्यंत आयोजित करण्यात आले आहे. या कॅम्पमध्ये मुलांना योगा, डान्स, स्टोरी टेलिंग, आर्ट आणि क्राफ्ट यांचे विशेष मार्गदर्शन दिले जाणार आहे.

तसेच मुलांकडून प्रात्यक्षिक करून घेतले जाणार आहे. या कॅम्पमध्ये वय वर्षे 8 ते18 वयोगटातील विद्यार्थी, विद्यार्थिनी सहभागी होऊ शकतील. या शिबिराचा अधिकाधिक मुलांनी लाभ घ्यावा, असे आवाहन आयोजकांनी केले आहे. अधिक माहितीसाठी भारत पोवार (9881099247) यांच्याशी संपर्क साधावा.

तज्ज्ञांचे लाभणार मार्गदर्शन

सदर कॅम्पमध्ये योगसाधनेचे मार्गदर्शन महेश गावस हे करणार आहेत. डान्सचे प्रशिक्षण चैत्रा नावेलकर या देणार असून स्टोरी टेलिंगबाबत अशोक तिळवे आणि आर्ट आणि क्राफ्ट बाबतचे मार्गदर्शन कविता गौडा या करणार आहेत. या कॅम्पमधून मुलांना सुट्टीचा मनमुराद आनंद लुटत नवनव्या गोष्टी शिकवल्या जाणार असून नृत्य, कला आणि कथाकथनाचे मान्यवरांकडून मार्गदर्शन लाभणार आहे.