Fire At Parcem: पार्से येथे गोदामाला आग लागल्याने 3.5 लाख रूपयांचे नुकसान झाले असून, यात एक व्यक्ती जखमी झाला आहे. आज (बुधवारी) पहाटे पाचच्या सुमारास ही घटना घडली.

आग एवढी भीषण होती की यात गोदाम पूर्णपणे जळून खाक झाले आहे.

राजेंद्र जिवबा चारी असे या आगीत जखमी झालेल्या व्यक्तीचे नाव आहे. चारी यांनी दिलेल्या माहितीनुसार, पार्से येथे सकाळी पहाटेच्या सुमारास गोदामाला अचानक आग लागली. आग मोठी असल्याने तात्काळ अग्निशमन दलाल माहिती देण्यात आली. अर्ध्या तासानंतर दलाचे जवान दाखल झाले व आगीवर नियंत्रण मिळवले.

या आगीत साडे तीन लाखांच्या जवळपास नुकसान झाल्याची माहिती चारी यांनी दिली.

आग नेमकी कशामुळे लागली याबाबत माहिती नसल्याचे चारी यांनी सांगितले. दरम्यान, घटनास्थळी तलाठी यांनी पाहणी करून घटनेची माहिती घेतली.

दरम्यान, आगीत गोदामाचे मोठे नुकसान झाले असून, संपूर्ण गोदाम जळून खाक झाले आहे.