मराठी साहित्य क्षेत्रात जागतिक विक्रम करणारे आणि बाराशे मराठी कादंबऱ्या लिहिणारे प्रख्यात रहस्यकथाकार गुरुनाथ नाईक (Gurunath Naik) यांचे पुण्यामध्ये निधन झाले. गुरुनाथ नाईक हे मराठीतील आघाडीचे रहस्य कथाकार होते. मुंबई (Mumbai), पश्चिम महाराष्ट्र आणि मराठवाड्यात नोकरीनिमित्त राहिलेले नाईक मूळचे गोव्याचे (Goa) होते. गोमंतकातील सत्तरीजवळचे आडवाई साखळी हे त्यांचे मूळ गाव आणि राणे हे त्यांचे मूळ आडनाव होय.

प्रिन्सेस कादंबरी लिहून जागतिक कीर्ती मिळविणारे मनोहर माळगावकर हे नाईक यांच्या वडिलांचे -विष्णू नाईक- यांचे जवळचे मित्र. माळगावकर यांच्याशी बालपणी झालेल्या चर्चेतूनच गुरुनाथ नाईक यांच्या मनात लिखाणाचे बीज रुजले. नाईक यांच्या घराण्याला स्वातंत्र्यलढ्याचीही पार्श्वभूमी आहे. साखळीच्या राणे घराण्याने पोर्तुगीजांविरुद्ध 17 बंडे पुकारली होती. नाईक यांचे आजोबा लेफ्टनंट होते. 1901 मध्ये त्यांनी बंड पुकारले.

रहस्यकथा लिहिण्यापूर्वी म्हणजे 1957 ते 1963 या काळात गुरुनाथ नाईक यांचे विविध विषयांवर लिखाण सुरू होते. या काळात त्यांनी अनेक मराठी मासिकांतून हेमचंद्र साखळकर आणि नाईक या नावांनी लिखाण केले. आकाशवाणीच्या पुणे केंद्रासाठी काही संगीतिका, तर गोवा केंद्रासाठी काही श्रुतिका त्यांनी लिहिल्या.

मराठी साहित्य क्षेत्रात जागतिक विक्रम करणारे आणि बाराशे मराठी कादंबऱ्या लिहिणारे प्रख्यात रहस्य कथाकार गुरुनाथ नाईक यांचे बुधवारी पुण्‍यात वयाच्‍या ८४व्‍या वर्षी निधन झाले. त्‍यांनी काही काळ दै. ‘गोमन्‍तक’चे साहाय्‍यक संपादक पदही भूषविले होते.

गुरुनाथ नाईक हे मराठीतील आघाडीचे रहस्य कथाकार होते. मुंबई, पश्चिम महाराष्ट्र आणि मराठवाड्यात नोकरीनिमित्त राहिलेले नाईक मूळचे गोव्याचे होते. गोमंतकातील सत्तरीजवळचे विठ्ठलापूर-साखळी हे त्यांचे मूळ गाव आणि राणे हे त्यांचे मूळ आडनाव होते. दैनिकांच्‍या साप्‍ताहिक आवृत्तीतील लघुकथांच्‍या माध्‍यमातून नाईक यांच्‍या लेखनाला सुरुवात झाली. सत्तरच्‍या दशकात 100हून अधिक लघुकथांनी त्‍यांनी वाचकांना आपलेसे केले. 1970 साली प्रकाशक सदानंद खाडीलकरांना ‘मृत्‍यूकडे नेणारे चुंबन’ही पहिली रहस्‍यकथा त्‍यांनी दिली. या कथेने प्रकाशकांनाही भारावून सोडले आणि मराठीत नव्‍या रहस्यकथांचा प्रवास सुरू झाला.