गोव्याचे ख्यातीचे चित्रकार वामन नावेलकर यांचे निधन

Goa: गोव्याचे आंतरराष्ट्रीय ख्यातीचे चित्रकार ज्यांनी आपल्या चित्रांमध्ये विविध प्रयोग करून आपली चित्रकला सजवली असे चित्रकार वामन उर्फ गणेश सिनाई नावेलकर यांचे आज पहाटे निधन झाले (Painter Vaman Navelkar passed away). ते 92 वर्षांचे होते. नावेलकर यांनी गोव्यासह पोर्तुगाल व मोझांबिका येथे आपल्या चित्रकलेचा अभ्यास केला, मोझांबिका येथे झालेल्या स्वातंत्र्य लढ्यामध्ये त्यांनी सहभाग घेतला होता त्यावेळी त्यांना अटकही झाली होती

5 मे 1929 रोजी पोंबुर्फा येथे जन्म झालेले नावेलकर आपल्या वडिलोपार्जित घरात राहूनच कलेची सेवा करत राहिले. आंतरराष्ट्रीय स्तरावर नाव कमावलेल्या या महान चित्रकाराला गोव्यात मात्र कोणताच महत्त्वाचा पुरस्कार मिळू शकला नाही, हे दुर्दैव. चित्रकार नावेलकर यांनी चित्रकले सोबत म्युरल्स, धातू कला व लाकडाच्या कोरीव कामातही प्राविण्य मिळवले होते.