Rasika Khandeparkar: गोव्यातील पिसुर्ले येथील स्वच्छता कर्मचारी रसिका खांडेपारकर यांचा राष्ट्रपती द्रौपदी मुर्मू यांच्या हस्ते सन्मान करण्यात आला. खांडेपारकर यांना केंद्रीय जल शक्ती मंत्रालयाचा कचरा व्यवस्थापनातील स्वच्छ सुजल शक्ती सन्मान हा पुरस्कार प्रदान करण्यात आला आहे.

खांडेपारकर या पिसुर्ले पंचायत क्षेत्रात स्वच्छता कर्मचारी म्हणून कार्यरत आहेत. त्यांच्या कार्याचा गौरव म्हणून त्यांचा हा सन्मान करण्यात आला आहे. पिसुर्ले पंचायतीने स्वच्छ भारत निर्मल भारत हा उपक्रम सुरू केल्यानंतर खांडेपारकर यांनी त्यात मनापासून योगदान दिले होते.

प्लॅस्टिक कचरा व्यवस्थापन, बायोड्रिगेडेबल कचऱ्याचे व्यवस्थापन तसेच गोबर्धन या योजनेत त्यांनी उत्कृष्ट काम केले आहे.

त्याची दखल घेऊन पंचायत खात्यामार्फत त्यांची या पुरस्कारासाठी निवड करण्यात आली होती. पंचायत संचलनालयाच्या उत्तर गोवा सहाय्यक संचालक फिजओना वा सासष्टीच्या गटविकास अधिकाऱ्यांसमवेत खांडेपारकर दिल्लीला गेल्या आहेत.