Goas First Spiritual Cruise Boat To Launch On March 10

पणजी: गोव्यातील आध्यात्मिक पर्यटनाला चालना देण्यासाठी सावंत सरकार अनेक नवनवीन उपक्रम राबवत आहे. यातच आता, उद्या (10 मार्च) म्हणजेच सोमवारपासून गोव्यातील पहिली आध्यात्मिक क्रूझ बोट सुरु होणार आहे. मांडवी नदीत या बोटीतून जल सफरीचा आनंद पर्यटकांना घेता येणार आहे.

आध्यात्मिक मोहोत्सव

तपोभूमीच्या आध्यात्मिक मोहोत्सवादरम्यान जल सफरीचे उद्घाटन करण्यात येणार आहे. यावेळी विविध आध्यात्मिक आणि मनोरंजनात्मक कार्यक्रमांचे आयोजन केले जाईल, अशी माहिती तपोभूमीच्या पदाधिकाऱ्यांनी दिली.

आध्यात्मिक बोट सुरु करण्याचा उद्देश

राज्यात सध्या आध्यात्मिक मोहोत्सव सुरु झाला आहे. त्याचाच भाग म्हणून आता ही आध्यात्मिक क्रूझ बोट करण्यात येत असल्याची माहिती तपोभूमी आध्यात्म मोहोत्सवाचे प्रचार प्रमुख फोंडू अश्वेकर यांनी दिली होती. अश्वेकर यांनी दिलेल्या माहितीनुसार, आध्यात्मिक बोट सोमवारी दुपारी 4.30 वाजता मांडवी जेटी येथे पोहोचेल.

गंगा आरती सुविधा

राज्यातील आध्यात्मिक पर्यटनाला (Tourism) चालना देण्यासाठी गोवा पर्यटन विकास महामंडळाने मांडवी नदीच्या काठावर गंगा आरती सुविधा करण्यात येणार आहे. महामंडळाकडून यात तपोमभूमीचा देखील समावेश केला आहे.