First vote Parthivi Sawant Dainik Gomantak
गोवा

ZP Election: लेकीचे पहिले मतदान, वडिलांना 'विजयाचा' विश्वास! CM सावंतांनी सहकुटुंब बजावला मतदानाचा हक्क

Pramod Sawant casts vote: मुख्यमंत्री डॉ. प्रमोद सावंत यांनी आपल्या पत्नी सुलक्षणा सावंत आणि कन्या पार्थिवी यांच्यासह कोठंबी येथील मतदान केंद्रावर जाऊन मतदानाचा हक्क बजावला

Akshata Chhatre

कोठंबी: गोव्यातील जिल्हा पंचायत निवडणुकीच्या रणधुमाळीत एक महत्त्वाचा क्षण पाहायला मिळाला. मुख्यमंत्री डॉ. प्रमोद सावंत यांनी आपल्या पत्नी सुलक्षणा सावंत आणि कन्या पार्थिवी सावंत यांच्यासह कोठंबी येथील मतदान केंद्रावर जाऊन मतदानाचा हक्क बजावला. विशेष म्हणजे, मुख्यमंत्र्यांची कन्या पार्थिवी हिने पहिले मतदान (First Vote) केले, ज्यामुळे सावंत कुटुंबासाठी हा दिवस लोकशाहीच्या उत्सवासोबतच वैयक्तिक आनंदाचाही ठरला.

भाजप-मगोप युतीचा 'क्लीन स्वीप'चा निर्धार

मुख्यमंत्री डॉ. प्रमोद सावंत यांनी विजयाचा ठाम विश्वास व्यक्त केलाय. ते म्हणाले की, "जिल्हा पंचायत निवडणुकीत भाजप आणि मगोप (MGP) युती विरोधकांना 'क्लीन स्वीप' करेल. दोन्ही जिल्हा पंचायतींवर युतीची सत्ता येईल आणि या विजयामुळे राज्यात 'तिहेरी इंजिन' कार्यरत होईल." ग्रामीण भागाच्या सर्वांगीण विकासासाठी गोवेकरांनी मोठ्या संख्येने घराबाहेर पडण्याचे आवाहनही त्यांनी यावेळी केले.

ग्रामीण अर्थव्यवस्था आणि महिला सशक्तीकरणावर भर

मुख्यमंत्र्यांनी केवळ राजकीय विजयाचाच दावा केला नाही, तर ग्रामीण विकासाची नवी रूपरेषाही मांडली. ग्रामीण भागाची उन्नती करण्यासाठी सामूहिक शेती, दुग्धउत्पादन, फलोत्पादन आणि मच्छिमारी यांसारखे उपक्रम हाती घेतल्याचे त्यांनी सांगितले.

"ग्रामीण विकास खात्यासोबत स्वयंसाह्य गट आणि जिल्हा पंचायत जोडून आम्ही महिला सशक्तीकरणासाठी ठोस पावले उचलणार आहोत. महिलांची उन्नती आणि ग्रामीण भागातील कुशल-अकुशल कामगारांसाठी रोजगार निर्मिती हे आमचे मुख्य उद्दिष्ट असेल," असेही मुख्यमंत्री म्हणाले.

लोकशाहीचा नवा वारसदार

मुख्यमंत्री सावंत यांची कन्या पार्थिवी हिने केलेले पहिले मतदान आजच्या निवडणुकीचे आकर्षण ठरले. "तरुणांनी लोकशाही प्रक्रियेत सक्रिय सहभाग नोंदवणे ही काळाची गरज आहे," असे सांगत मुख्यमंत्र्यांनी आपली कन्या आणि राज्यातील सर्व तरुण मतदारांचे अभिनंदन केले. ग्रामीण भागातील प्रश्न सोडवण्यासाठी आणि ग्रामविकासाला गती देण्यासाठी जिल्हा पंचायतींची भूमिका अत्यंत कळीची असल्याचे त्यांनी यावेळी स्पष्ट केले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

Gurpatwant Singh Pannun Murder Plot: खलिस्तानी दहशतवादी गुरपतवंत सिंग पन्नूच्या हत्येचा कट, अमेरिकन कोर्टाचा निखिल गुप्ताला झटका; सुनावली 20 वर्षांची शिक्षा

Marigold Farming: काणकोणात झेंडूचा बहर; 1,060 क्विंटल उत्पादन, स्थानिक फुलांना ग्राहकांची पसंती

SCROLL FOR NEXT