पणजी: बंगालच्या उपसागरात निर्माण झालेल्या कमी दाबाच्या पट्ट्यामुळे राज्यातील विविध भागांत मोठ्या प्रमाणात पाऊस बरसला. पावसामुळे वाढलेल्या उष्म्यातून नागरिकांना काही प्रमाणात दिलासा मिळाला. त्यासोबतच शेतकऱ्यांना भेडसावणारी पाण्याची चिंताही काही प्रमाणात मिटली आहे.

परंतु, पाऊस पुन्हा उघडीप घेण्याची शक्यता अधिक आहे. पुढील चार दिवसांत तुरळक पाऊस पडण्याचे संकेत वेधशाळेने दिले आहेत.

त्यामुळे शेतकऱ्यांचे आजचे संकट उद्यावर गेले, असेच म्हणावे लागेल. मागील २४ तासांत राज्यात सरासरी १ इंच पावसाची नोंद झाली, तर आतापर्यंत राज्यात ८०.१९ इंच पावसाची नोंद करण्यात आली आहे.