गुळेली (Guleli) : सत्तरीत (Sattari) पूरग्रस्तांना (Flooded) मदतीचा ओघ येत असुन पर्ये मतदारसंघातील (Porem Constituency) अडवई, वांते, म्हादई, पाडेली, भिराेंडा व सावर्शे गावाना पुराचा माेठा फटका बसला आहे. सत्तरीतील बऱ्याच गावांत अनेक लोकांनी मदत केली आहे, त्यात गेल्या निवडणूकीत पर्येंत भाजपतर्फे निवडणूक लढवलेले सालेलीतील विश्वजित कृष्णराव राणे यांनी पर्ये मतदारसंघातील अडवई, म्हादई, पाडेली, भिराेंडा व सावर्शे गावातील पूरग्रस्तांना मदत सुरू केली असून सध्या आवश्यक सामानाचे वितरण सुरू आहे.

यावेळी त्याच्या साेबत राजेश राणे, सयाजी देसाई, सचिन नाईक, नरेश नाईक, सुभाष नाईक यांची उपस्थिती होती. पुरग्रस्तांना मदत करताना विश्वजित कृष्णराव राणे यांनी सांगितले की पुरग्रस्तांची स्थिती अत्यंत वाईट असुन त्यांना सर्वाच्या मदतीची गरज आहे. आपण त्यांना हि केलेली प्राथमिक मदत असुन त्याचा संसार उभा राहण्यासाठी यापुढेही आवश्यक ती मदत केली जाईल. पर्येंत पुर आला पण स्थानिक आमदार कुठे दिसले नाही, यावरून त्या आमदाराला पर्ये मतदारसंघातील जनतेचे काहीही पडलेले नाही. त्यासाठी पर्येतील लाेकांनी झाेपी गेलेल्या व्यक्तीला यापुढे निवडून देवू नये, असेही त्यांनी सांगितले.