Verna Septic Waste: मेरशी येथे शेतात सांडपाणी सोडल्याप्रकरणी एकाला अटक केल्याचे प्रकरण ताजे असतानाच आता असेच अजून एक प्रकरण समोर आलेय. वेर्णा इंडस्ट्रिअल इस्टेट जंक्शन जवळील नाल्यात एका टँकरला सेप्टिक कचरा टाकताना रंगेहात पकडण्यात आले आहे.

आकाश इंटरप्राइझेसचा हा टँकर असल्याची माहिती समोर येतेय. पर्यावरण रक्षणाचे सर्व नियम धाब्यावर बसवून हे कृत्य सुरु असल्याचे इथल्या स्थानिकांचे म्हणणे आहे.

दरम्यान या टँकरवर कायदेशीर कारवाई करण्यात आलीय का याबद्दल अद्याप माहिती समजू शकली नाहीय. सविस्तर माहिती मिळवत आहोत. मिराशी येथे घडलेल्या त्या प्रकरणी पोलिसांनी भादंसंच्या कलम 269, 270 आणि पाणी कायदा 1974 अंतर्गत कलम 26 आणि 44 नुसार गुन्हा नोंद केली होती.