पणजी: सुमारे 100 वर्षांपूर्वी रशियन शास्त्रज्ञ विनोग्राडस्की यांनी शोधलेल्या पद्धतीत क्रांतिकारी बदल करून गोवा विद्यापीठाच्या संशोधकांनी स्थानिक 150 ते 250 कोटी वर्षे पुरातन व विदेशात निर्यात केल्या जाणाऱ्या लोहखनिजातून जीवतंत्रज्ञान क्षेत्रात फार उपयोगी अशा गंधकजीवी सूक्ष्मजीवांचा  शोध लावला आहे.

विशेष म्हणजे, भारताला (India) हे फार किमती जीव परदेशातून आयात करावे लागतात. पण या संशोधनामुळे आता असे मौल्यवान जीव संपादण्यात देश स्वयंपूर्ण होईल. ही पद्धत फार सोपी आणि स्वस्त आहे. वनस्पतीशास्त्र विभागातील पीएचडीची विद्यार्थिनी (Student) सुजाता दाबोळकर हिने तिचे संशोधक, मार्गदर्शक, सूक्ष्मजीवशास्त्रज्ञ हे यश मिळवले आहे. हे संशोधन इकॉलॉजी, एन्व्हायर्नमेंट या विद्यापीठ अनुदान आयोग मान्यताप्राप्त आंतरराष्ट्रीय नियतकालिकात जानेवारी 2022 मध्ये प्रसिद्ध झाले आहे.

अतिसूक्ष्म सुवर्णकण बनवणे शक्य

हे सूक्ष्मजीव वापरून अतिसूक्ष्म सुवर्णकण तयार करता येतात. त्यामुळे आता स्थानिक लोहखनिजातून सोने शुद्ध स्वरूपात मिळवण्यासाठी सोपी प्रक्रिया उपलब्ध झाली आहे. हे संशोधन यापूर्वी आसाममध्ये आंतरराष्ट्रीय परिषदेत सादर करण्यात आले होते.