पणजी: गोवा विद्यापीठाने राज्यातील विविध महाविद्यालयांच्या अंतिम वर्षाच्या विद्यार्थ्यांचे निकाल संबंधित महाविद्यालयात पाठविले आहेत. तर पुढील आठवड्यापर्यंत विद्यार्थ्यांना गुणपत्रिका पाठविण्यात येतील अशी माहिती विद्यापीठ प्रशासनाने दिली आहे.

()

गोवा विद्यापीठाने प्रसिद्ध केलेल्या पत्रकात परीक्षांच्या निकालाला उशिर झाला नसल्याचे स्पष्ट केले होते. मे 2022 मध्ये विद्यापीठात घेण्यात आलेल्या पदव्युत्तर परीक्षांचे सर्व निकाल जाहीर झाले आहेत. संलग्न महाविद्यालयांमध्ये देऊ केलेल्या पदव्युत्तर अभ्यासक्रमांच्या परीक्षा ९ जून 2022 ते 5 जुलै 2022 या कालावधीत घेण्यात आल्या. यापैकी केवळ दोन महाविद्यालयांचे निकाल जाहीर झालेले नसून येत्या आठवड्यात जाहिर केले जातील, असे म्हटले होते.