पणजी: मॉस्को आंतरराष्ट्रीय प्रवास आणि पर्यटन प्रदर्शनात (एमआयटीटी) गोवा पर्यटनाला प्रतिष्ठित अशा ‘एमआयटीटी कमबॅक’ पुरस्काराने सन्मानित करण्यात आले. हा पुरस्कार राज्याच्या पर्यटन उत्कृष्टतेसाठीच्या समर्पणाला अधोरेखित करतो. गोवा पर्यटनाने अलीकडेच मॉस्को येथील क्रोकस एक्स्पो येथे झालेल्या ‘एमआयटीटी’ मध्ये भाग घेतला होता.

गोवा पर्यटनाच्यावतीने पर्यटन विभागाचे साहाय्यक संचालक प्रदीप बिन्नर आणि जीटीडीसीचे मार्केटिंग व्यवस्थापक हरीश साटेलकर यांनी हा पुरस्कार स्वीकारला.

एमआयटीटी २०२५ मध्ये गोवा पर्यटनाच्या सहभागात गोवा सरकारचे पर्यटन सचिव श्री संजीव आहुजा, आयएएस, तसेच पर्यटन खात्याचे सहाय्यक संचालक श्री प्रदीप बिन्नर; जीटीडीसीचे मार्केटिंग व्यवस्थापक श्री हरीश साटेलकर; आणि जीटीबी बोर्ड सदस्य श्री मार्क मेंडिस यांचा सहभाग होता.

पर्यटन संचालक केदार नाईक म्हणाले, की हा पुरस्कार गोव्याला सर्व प्रकारच्या प्रवाशांना भेट देण्यास वर्षभर पसंतीचे ठिकाण म्हणून अद्वितीय अनुभव प्रदान करण्याच्या आमच्या अढळ वचनबद्धतेचा पुरावा आहे.

गोव्याला मिळालेला पुरस्कार हा राज्याला जागतिक पर्यटन केंद्र म्हणून स्थान देण्याच्या आमच्या सततच्या प्रयत्नांना प्रतिबिंबित करतो. गोव्याचा समृद्ध सांस्कृतिक वारसा, वेलनेसचा अनुभव आणि साहसी पर्यटनाच्या संधींचे प्रदर्शन करून, आम्ही रशियासारख्या प्रमुख आंतरराष्ट्रीय बाजारपेठेमध्ये आमची ओळख वाढविण्याचे उद्दिष्ट ठेवतो. - रोहन खंवटे, पर्यटनमंत्री