OYO Accelerator for Goa Hotels

पणजी: गोव्याचे पर्यटनमंत्री रोहन खवंटे यांनी ओयोच्या एक्सलेरेटर कार्यक्रमाचा शुभारंभ केला. या प्रोग्रॅमनुसार हॉटेल व्यावसायिकांना त्यांच्या व्यवसायाचा विस्तार करण्यासाठी मार्गदर्शन आणि मदत केली जाणार आहे. यावेळी ओयोचे चीफ ऑपरेटिंग ऑफिसर वरुण जैन उपस्थित होते.

सदर कार्यक्रमामध्ये मंत्री खंवटे यांनी ओयो एक्सलेटर प्रोग्रॅमच्या पाच लाभार्थ्यांना 25 लाख रुपयांचे वाटप केले. गोवा पर्यटन विभागाच्या प्रवक्त्यांनी दिलेल्या माहितीनुसार या उपक्रमाद्वारे पुढील एका वर्षात राज्यात 500 हून अधिक हॉटेल्स जोडण्याची आणि 5,000 हून अधिक नवीन नोकऱ्या निर्माण करण्याची योजना आखली जात आहे.

एक्सीलरेटर कार्यक्रमाचा भाग म्हणून ओयो पहिल्या श्रेणीतील तसेच छोट्या हॉटेल व्यवसायिकांना नवीन बाजारपेठांमध्ये प्रवेश करण्यासाठी, ग्राहक वाढवण्यासाठी मार्गदर्शन, तंत्रज्ञान, कुशल व्यवस्थापन आणि आर्थिक सहाय्य करून कमाई वाढवण्यासाठी प्रोत्साहित करणार आहे.

ते पुढे म्हणाले की, "हे व्यावसायिक आपले व्यवसाय वाढवण्यासाठी भारतातील ओयोची 15,000 खाती आणि 10,000 पेक्षा जास्त ट्रॅव्हल एजंट्सच्या नेटवर्कचा लाभ घेऊ शकतील."

येथे प्रसिद्ध केलेल्या निवेदनानुसार खवंटे म्हणाले की, एक्सीलरेटर कार्यक्रम फक्त आमच्या शाश्वत पर्यटनाच्या दृष्टीकोनाशी संलग्न नाही तर लहान तसेच मध्यम व्यवसायांना धोरणात्मक मार्गदर्शन, तंत्रज्ञान एकत्रीकरण आणि आर्थिक सहाय्याच्या मदतीने व्यवसाय वाढवण्यासाठी व्यासपीठ देखील प्रदान करतो.

"हा उपक्रम वेगळेपण, सांस्कृतिक वारसा जपत जागतिक पर्यटन स्थळांमध्ये गोवा आघाडीवर राहील याची खात्री करण्याची आमची जबाबदारी अधोरेखित करतो" असे मंत्री खवंटे यांनी सांगितले.

ओयोचे चीफ ऑपरेटिंग ऑफिसर वरुण जैन म्हणाले, "आम्ही गोव्यातील महत्त्वाकांक्षी हॉटेलवाल्यांसोबत भागीदारी करण्यास उत्सुक आहोत, त्यांना त्यांच्या व्यावसायिक क्षमतेची जाणीव करून देण्यासही मदत करू.

गोव्यातील या कार्यक्रमाच्या यशाबद्दलचा आमचा आत्मविश्वास इतर राज्यांमुळे आहे जिथे या कार्यक्रमाची यशस्वी अंमलबजावणी झाली आहे," अशी पुष्टीही त्यांनी जोडली.