Illegal Tourism Practices: गोव्यातील 'बेकायदा' गोष्टींवर राहणार कडक नजर? साहसी पर्यटनासाठी स्वतंत्र प्राधिकरणाची मागणी

Certification authority Goa adventure tourism

तिसवाडी: केरी येथे पॅराग्लायडिंगच्या दुर्घटनेतून पायलट आणि पर्यटक युवतीचा मृत्यूनंतर गोव्यातील साहसी पर्यटन उपक्रम सूक्ष्मदर्शकाखाली आले आहेत. विशेष म्हणजे गोव्यात हे उपक्रम प्रमाणन करण्यासाठी प्राधिकरण नसल्याने बेकायदा व्यवहार चालू आहेत, असे मत तज्ज्ञ आणि पर्यटन उद्योगातील घटक व्यक्त करीत आहेत.

हल्लीच जलक्रीडा उपक्रमात एका पर्यटकाचा मृत्यू झाला होता, तेव्हा ११ क्षमता असलेल्या बोटमध्ये सुमारे २० पर्यटक स्वार होते. आता केरी येथील दुर्घटनेनंतर पॅराग्लायडिंग उपक्रम बेकायदा सुरू असल्याचे उघड झाले. कोणीही येऊन हे उपक्रम निर्धास्तपणे चालवतात. मुख्य म्हणजे उपक्रम प्रमाणन प्राधिकरण नसल्याने अनेक प्रश्‍न उपस्थित होत आहेत.

का हवे प्राधिकरण?

जलक्रीडा असो किंवा पॅराग्लायडिंग उपक्रम यात खूप जोखीम असते, त्यामुळे सुरक्षेला प्राधान्य आवश्यक असते. शिवाय उपक्रमात वापरण्यात येणारे साहित्य, प्रशिक्षित कर्मचारी यासारख्या गोष्टी योग्यरीत्या केल्या जात आहे की नाही यावर नजर ठेवण्यासाठी प्राधिकरण गरजे आहे, परंतु गोव्यात याचा अभाव असल्याने खुलेआमपणे दलालांच्या सहकार्याने हे व्यवहार चालत आहेत. एखादी दुर्घटना झाल्यानंतर सरकारने कारवाई करण्याऐवजी नियमांचे पालन करून हे उपक्रम चालणार याची खात्री करून घेतली पाहिजे, असे या घटकांचे म्हणणे आहे.