मोपा: गोव्यातील पर्यटनावर सध्या अनेक प्रश्न उपस्थित केले जात आहे. काही पर्यटक गोव्यातील व्हिडीओ शेअर करत गोवा हे पर्यटनासाठी कसं योग्य ठिकाण नाही यावर लक्ष केंद्रित करत आहेत. सध्या गोव्यातील मोपा विमानतळावरचा एक व्हिडीओ बराच व्हायरल होत आहे. या व्हिडीओमध्ये पर्यटक स्थानिक टॅक्सीचालकांच्या विरोधात आणि पर्यटकांना टॅक्सी माफिया कसे त्रास देतायत यावर पर्यटक बोलताना दिसतायत.

या व्हिडीओमध्ये पर्यटक गोव्यातील स्थानिक टॅक्सी चालकांना टॅक्सी माफिया म्हणतायत. व्हिडीओमधून मिळणाऱ्या माहितीनुसार मोपा विमानतळावरील टॅक्सी चालकांनी त्यांची रेंटल गाडीची चावी काढून घेतली तसेच त्यांच्यावर दादागिरी केली. त्यांच्या मते रेंटल गाडी बुक केल्यामुळे त्यांच्यासोबत दादागिरी करण्यात आली होती. गोव्यातील टॅक्सी चालकांनी त्यांच्या गाडीची चावी काढून घेतली आणि ती चावी परत जाण्यास नकार दिला.

'इंटरनेशनल डेस्टिनेशन'च्या यादीत गोवा 'अव्वल'

अमेरिकेतील आंतरराष्ट्रीय बुकिंग पोर्टल एक्सपेडियाने जारी केलेल्या एका अहवालानुसार वर्ष २०२४ मध्ये गोव्याच्या पर्यटकांमध्ये घट झाली होती मात्र आता इंटरनेशनल डेस्टीनेशन्समध्ये गोव्याने आपले स्थान बळकट केले आहे.

एक्सपेडियाच्या अहवालानुसार गोवा जानेवारी २०२५ पासून बराच चर्चेत आला आहे. गोव्यासाठी फ्लाइट बुकिंग करणाऱ्यांची संख्या गेल्या दोन वर्षांच्या तुलनेत तब्बल आता १५५ टाक्यांनी वाढली आहे.