पणजी: आजचे जग विज्ञानाच्‍या कसोटीवर चालते. केवळ विज्ञानाच्‍या नव्‍हे, तर इतर शिक्षण घेणाऱ्या विद्यार्थी आणि लोकांना प्रत्‍येक बाबतीत विज्ञानाच्‍या कसोटीवर पारखण्याची सवय लागली आहे, असे प्रतिपादन मुंबई विद्यापीठाचे कुलगुरू प्रो. सुहास पेडणेकर यांनी केले.

विज्ञान परिषदेच्‍यावतीने येथे आयोजित सातव्‍या भारतीय विज्ञान चित्रपट महोत्‍सवाची गुरुवारी उत्‍साहात सांगता झाली. त्यावेऴी ते बोलत होते. यावेळी इस्त्रोचे संचालक डॉ. प्रदीप दास, विज्ञान तंत्रज्ञान खात्‍याचे संचालक डॉ. तारिक थॉमस, गोवा विद्यापीठाचे कुलगुरू डॉ. एच बी मेनन, विज्ञान भारतीचे राष्ट्रीय आयोजन सचिव जयंत सहस्‍त्रबुद्धे, विज्ञान परिषद गोवाचे अध्यक्ष सुहास गोडसे, सचिव मनोहर पेडणेकर आदी मान्‍यवर उपस्‍थित होते. यावेळी सुहास गोडसे यांनी विज्ञान परिषद गोव्‍याच्‍या उपक्रमांची माहिती दिली. आशिष ठाकूर यांनी यावर्षीच्‍या महोत्‍सवाचा अहवाल सादर केला. प्रियांका वायंगणकर यांनी स्‍वागत आणि सूत्रांचालन केले.