ताळगाव ग्रामपंचायतीच्या निवडणुकनिमित्ताने राज्य सरकारने 28 तारखेला पगारी सुट्टी जाहीर केली आहे. याबाबतचे पत्रक आज जारी करण्यात आले आहे.

IPL Betting

आयपीएलच्या सुरु असलेल्या पंजाब गुजरातच्या सामन्यावर कांदोळीत ऑनलाईन सट्टा घेतल्याप्रकरणी गुजरातच्या नऊ जणांना अटक. पोलिसांनी त्यांच्याकडून एक लॅपटॉप, १७ मोबाईल असा एकूण चार लाखांचे मुद्देमाल जप्त केला.

गोवा बचाव अभियानाच्या 25 एप्रिल रोजी लोहिया मैदानावर होणाऱ्या सभेला मडगाव नगरपालिकेचा नकार. नागरी तसेच विद्युत देखभालीचे कारण देत पालिकेने नाकारली परवानगी.

कला अकादमीचे फॉल्स सिलिंग पडल्याच्या प्रकरणात मी मुख्यमंत्र्यांशी चर्चा केली आहे. मुख्यमंत्र्यांनी ह्या प्रकरणात स्वतः चौकशी करून माहिती घेणार असल्याचे सांगितले आहे. भाजप प्रदेशाध्यक्ष सदानंद शेट तानावडे यांची माहिती.

लाच प्रकरणात अटक झालेल्या पोलीस हवालदार संजय तळेकर आणि उदयराज कळंगुटकर यांच्या पोलीस कोठडीत अजून दोन दिवस वाढ करण्यात आली असून पुढील सुनावणी 24 तारखेला होईल.

तर या प्रकरणात अटक झालेले तत्कालीन पोलिस निरीक्षक विद्धेश पिळगावकर यांच्या जामिनावर उद्या (मंगळवारी) संध्याकाळी सत्र न्यायालयात सुनावणी होणार

2014 ते 2024 या आपल्या 10 वर्षांच्या काळातील कामांचा आढावा श्रीपाद नाईकांनी ठेवला जनतेसमोर. प्रदेशाध्यक्ष सदानंद शेट तानावडेंच्या उपस्थितीत पुस्तीकेचे केले प्रकाशन. 91 सभागृहे, 71 स्मशानभूमी बांधल्याची दिली माहिती.

सुमारे ७५ कोटी रुपये खर्चून दुरुस्त केलेल्या कला अकादमीचे चार्ल्स कुरैया फाऊंडेशनमार्फत ऑडीट करा. फॉल्स सिलिंग कोसळल्यानंतर गोवा फॉरवर्डच्या दुर्गादास कामत यांची पत्रकार परिषदेत मागणी‌.

शिवोली येथे चालकाचे नियंत्रण सुटल्याने कार थेट शेतात गेली. कार पर्यटक चालवत होते, अपघातानंतर ते घटनास्थळावरुन फरार झाले, अशी माहिती स्थानिकांनी दिली.

पेडणे येथे ४.३५ लाखांचे १,३०५ लिटर मद्य जप्त करण्यात आले असून, पाचजणांना अटक करण्यात आली आहे. पेडणे पोलिसांनी ही कारवाई केलीय.

Kala Academy Slab Collapsed

कला अकादमीच्या छताचा काही भाग सोमवारी सकाळी पुन्हा कोसळला. शनिवारी राज्यात झालेल्या अवकाळी पावसाचे पाणी झिरपून छत कमकुवत झाल्याचा अंदाज व्यक्त केला जात आहे.

दरम्यान, गेल्या वर्षी कला अकादमीच्या खुल्या रंगमंचाचा काही भाग कोसळला होता.