पणजी: पणजीतील स्मार्ट सिटीच्या कामांमुळे शहरातील वाहतुकीवर प्रचंड ताण पडत आहे. त्यामुळे शहरात वाहनधारकांना वारंवार वाहतूक कोंडीला सामोरे जावे लागत आहे. शहरातील अंतर्गत रस्त्यांवर सुरु असलेल्या खोदकामामुळे त्यात भर पडली आहे.
दरम्यान, पणजीत खोदलेले रस्तेच पुन्हा पुन्हा खोदले जात आहेत. त्यामुळे शहरातील वाहतुकीवर होणारा परिणाम तसेच धूळ प्रदूषणामुळे लोक हैराण आहेत. मागील काही वर्षांपासून स्मार्ट सिटीच्या नावाखाली रस्त्यांचे खोदकाम सुरुच आहे.
गोवा (Goa) हे राज्य देशाची पर्यटन राजधानी म्हणून ओळखला जातो. देशविदेशातील पर्यटक नियमितपणे गोव्याला भेट देत असतात. याच गोव्याच्या राजधानीची अवस्था मात्र अलीकडच्या काळात अगदी वाईट झाली आहे. या कामांमुळे पणजीतील रस्त्यांमध्ये ठिकठिकाणी कामे सुरु आहेत. त्यामुळे अनेक ठिकाणी एकाचवेळी रस्ते खोदून ठेवले गेले आहेत. त्याचा परिणाम पणजी शहरातील वाहतुकीवर झाला आहे. अनेक ठिकाणी वाहतूक कोंडी निर्माण होत असून आता विविध ठिकाणी रस्त्यांची कामे सुरु झाल्याने पणजीतील वाहतूक कोंडीत भर पडत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.