फातोर्डा: आदिवासीना वन हक्क कायद्याखाली (Forest Rights Act) जमीनी हस्तांतरीत करण्याची प्रक्रिया सुरु केली असुन 50 टक्के अर्जांची छाननी केल्याची माहिती मुख्यमंत्री डॉ. प्रमोद सावंत (CM Dr Pramod Sawant) यांनी सोमवारी मडगावात (Margao) पत्रकारांशी बोलताना स्पष्ट केले. आपण स्वतः या प्रकरणी लक्ष घातले असुन दोन्ही जिल्ह्याचे जिल्हाधिकारी प्रलंबीत अर्जावर काम करीत आहेत असेही मुख्यमंत्र्यांनी सांगितले.

सद्या सांगे, केपे, धारबांदोडा, काणकोण, पेडणे या भागातून आलेल्या अर्जांपैकी 50 टक्के अर्जांची छाननी पुर्ण झाल्याचे त्यांनी सांगितले. कायद्याप्रमाणे अशा प्रकारचे अर्ज ग्रामसभेच्या माध्यमातुन आले पाहिजेत. या अर्जावर पुष्कळ सरकारी प्रक्रिया केली पाहिजे. तरी सुद्धा हे काम जेवढ्या जलदगतीने होणे शक्य आहे, त्यासाठी आमचे प्रयत्न असल्याचेही मुख्यमंत्री सावंत म्हणाले.