मडगाव: भूमिपुत्र विधेयक (Bhumiputra Bill) आणून भाजप सरकार (BJP Govt) परप्रांतीयांना गोव्यात प्रस्थापित करू पाहत असल्याची ओरड आता काँग्रेस (Congress) करत असली तरी त्यांची सत्ता असताना गोव्यात झोपडपट्ट्या उभारून आपली व्होट बँक तयार करणारी काँग्रेसही या प्रस्थापनाला तेव्हढीच जबाबदार असल्याचा आरोप रिव्हॉल्युशनरी गोवन्स (आरजी) पक्षाने आज केला.

काँग्रेसचे आमदार आलेक्स रेजिनाल्ड लॉरेन्स (Congress MLA Alex Reginald Lawrence) यांनी काल पत्रकार परिषद घेऊन हा कायदा आणून भाजप गोवेकारांना अल्पसंख्याक करण्याचे कारस्थान रचत असल्याचा आरोप केला होता. लॉरेन्स यांच्या या वक्तव्याला हे संधीसाधू राजकारण असल्याचा आरोप करत जर रेजिनाल्ड या आयात केलेल्या भूमीपुत्रा संदर्भात एव्हढे चिंतिस्त असतील तर त्यांनी आरजीने तयार केलेले पोगो विधेयक विधानसभेत मांडावे असे आवाहन आरजीचे सासष्टी तालुका प्रमुख सेबी फेर्नांडिस यांनी केले.