सासष्टी: डिटेल क्लोथिंग लिमिटेड कंपनीची स्थापना 1992 साली झाली. कंपनीचे टॅक्सास ब्रॅंडचे विविध प्रकारच्या कपड्यांचे उत्पादन देशात 18 राज्यातील 800 दालनांमध्ये उपलब्ध आहे. केवळ अवघ्याच काळात कंपनीने देशात आपल्या उत्पादनाचा चांगल्या प्रकारे विस्तार केला आहे. टॅक्सास ब्रॅंडखाली कंपनीतर्फे सध्याच्या आधुनिक जीवनशैलीस पूरक असे जीन्स(डेनिम्स), ट्रावजर्स, शॉर्टस व कॅज्युअल शर्टसचे उत्पादन केले जाते.

गत चार दशकांपासून कापड उत्पादन उद्योगात कार्यरत असलेल्या कुटुंबातील एन तुलसीयान हे कंपनीचे व्यवस्थापकीय संचालक आहेत. 1980 पासून कपडे उत्पादन करणाऱ्या कंपन्यांना फॅब्रिकचा पुरवठा करण्याचा व नंतर उत्पादन करण्याचा त्यांच्यापाशी अनुभव आहे. मार्केटमध्ये नेमके कशाची व किती आवश्यकता आहे याचे उत्तम ज्ञान तुलसीयान यांना आहे. त्यांच्या या अनुभवाच्या जोरावर त्यांनी व कंपनीतील इतर सहकाऱ्यांनी व्यवसायाचा विस्तार केला. त्याच बरोबर उत्पादनाचा दर्जाही राखला.

कंपनीचे संबंधित विक्रेते व उत्पादकांना कपड्याच्या दर्जाचा पूर्ण विश्र्वास आहे व कुठल्याही आव्हानाला सामोरे जाण्याची त्यांची तयारी आहे. कंपनीच्या उत्पादनांची वेगवेगळ्या निकषांवरून चाचणी केली जाते. यात सातत्य, एकसारखेपणा, आयामी स्थिरता, रंग, आटण्यावर नियंत्रण वगैरेचा समावेश आहे. शिवाय गिऱ्हाइकांच्या पसंतीस उतरतील व त्यांच्या गरजा पूर्ण होऊ शकेल असेच दर्जेदार कपड्यांचे उत्पादन कंपनीतर्फे केले जाते.

कंपनीचे समर्पित डिझाईनर्स, मार्केटींग व विक्री विभागातील कर्मचारी व गुणवत्ता नियंत्रक नवीनतम फॅब्रिक व शुद्धतेचे संशोधन करुन उत्पादित कपडे ग्राहकांसमोर आणले जातात.