Goa temperature update today

पणजी: राज्यात मागील आठवड्याभरापासून वाढलेल्या तापमानाच्या पाऱ्यात काही अंशी घट झाली आहे. राज्यात कमाल तापमानाचा पारा ३५ अंशांपर्यंत पोहोचला होता. आता त्यात घट होऊन कमाल तापमान ३३.२ अंश सेल्सिअसवर पोहोचले आहे. मात्र, सामान्य तापमानाच्या तुलनेत काही अंश अधिक आहे.

त्यासोबतच किमान तापमानात मात्र मोठ्या प्रमाणात वाढ झाली आहे. किमान तापमान २४ अंश सेल्सिअस पोहोचले असून सामान्य तापमानाच्या तुलनेत तब्बल ३.४ अंश सेल्सिअसने वाढ झाली आहे. मागील आठवड्यापासून काही अंशी थंडीचा प्रभाव दिवसेंदिवस ओसरत असून ऋतुबदलाचे संकेत दिसून येत आहेत.

सर्वसमान्यपणे फेब्रुवारी मध्यानंतर राज्यात थंडीचा प्रभाव कमी होत जातो व नंतर हळू-हळू उष्म्याच्या झळा वाढू लागतात. आता एकंदरीत उष्म्याचा प्रभाव वाढत असल्याचे दिसून आलेअसून पुढील ४८ तासांत राज्यातील कमाल व किमान तापमान ३४ व २२ अंश सेल्सिअस असण्याची शक्यता गोवा वेधशाळेद्वारे वर्तविण्यात आली आहे.