पणजी: राज्यात मागील आठवड्यापासून तापमानाचा पारा सातत्याने वाढत चालला असून कमाल तापमानाचा पारा ३४.५ अंशांवर पोहोचला आहे. ही स्थिती कायम राहिल्या दोन दिवसात ३५ अंशांवर तापमान जाण्याची शक्यता नाकारता येत नाही.

राज्यात ‘ऑक्टोबर हिट’मुळेच वातावरणातील बदल आदींमुळे मोठ्या प्रमाणात उष्मा वाढला आहे. आठवड्याभरापूर्वी राज्यात राज्यातील कमाल तापमान ३२ अंश इतके होते, परंतु तापमानात सातत्याने वाढ होत आहे.

राज्यात सद्यस्थित सामान्य कमाल तापमानाच्या तुलनेत २.३ टक्के अधिक तापमान नोंदविण्यात आले. राज्यात आर्द्रतेतही मोठ्या प्रमाणात वाढ झाली असून कमाल ९२ टक्के इतकी आर्द्रता नोंदविण्यात आली जी सामान्य आर्द्रतेच्या तुलनेत ७ टक्के अधिक आहे. राज्यात पुढील तीन दिवस काही भागात मध्यम पावसाची शक्यता आहे.

राज्यात ‘ऑक्टोबर हिट’च्या परिणामातून उष्मा वाढला आहे. मान्सुनोत्तर कालवधीमुळे हवामानात बदल घडत आहेत, कोरडे वारे वाहत आहे त्यामुळे राज्यात उष्मा वाढला आहे.

- नहुष कुलकर्णी, संचालक, गोवा वेधशाळा