Goa Weather Update: गोव्यातून पावसाची एक्झिट नाहीच! मध्यम पावसाची शक्यता, हवामान खात्याचा 'यलो अलर्ट'

पणजी: मान्सूनचा कालावधी संपल्यानंतर राज्यात पावसाचा जोर कमी झाला असून सध्या स्थिती स्थिर आहे. मात्र, गुरुवारी राज्यभर मध्यम स्वरूपाचा पाऊस पडण्याची शक्यता वर्तवली जात असून हवामान खात्याने ‘यलो अलर्ट’ जारी केला आहे.

मागील २४ तासांत राज्यात सरासरी ०.७ मिमी इतक्या पावसाची नोंद झाली आहे. साखळी, मुरगाव, म्हापसा यांसारख्या भागात अतिशय तुरळक पाऊस नोंदविण्यात आला.

राज्यातील तापमानही सामान्य स्थितीत असून, कमाल ३१ अंश सेल्सिअस तर किमान २३ अंश सेल्सिअस इतकी नोंद करण्यात आली आहे.

या पार्श्वभूमीवर किनारपट्टी भागातील मच्छीमारांना खोल समुद्रात न जाण्याचा सल्ला देण्यात आला आहे. पर्यटकांनीदेखील समुद्रकिनाऱ्यावरील क्रियांमध्ये काळजी घ्यावी, असे आवाहन प्रशासनाकडून करण्यात आले आहे.