Margao Municipal Council: मडगाव नगरपालिकेने सोनसोडो कचरा कामाची नियमित पाहणी करण्यासाठी मुख्याधिकाऱ्यांच्या अध्यक्षतेखाली समिती नियुक्त केली आहे. सोनसोडो कचरा प्रकल्पात नवीन कचेरी खुली केली असून तेथून कामावर लक्ष ठेवण्यात येईल, ही माहिती नगराध्यक्ष दामोदर शिरोडकर यांनी दिली.

या संदर्भात निरीक्षण करण्यासाठी शुक्रवारी बैठक झाली व त्यात आमदार दिगंबर कामत यांनी मार्गदर्शन केले असे शिरोडकर यांनी सांगितले. गोवा कचरा व्यवस्थापन महामंडळाचे व्यवस्थापकीय संचालक लेविन्सन मार्टीन्स, नगरसेवक उपस्थित होते. या बद्दलची पुढील बैठक 9 डिसेंबर रोजी निश्र्चित करण्यात आली आहे.

सोनसोडो प्रकल्पाच्या कामावर लक्ष ठेवण्यासाठी व सुरळीत करण्यासाठी अशा नियमित निरीक्षणाची गरज असल्याचे शिरोडकर यांनी सांगितले. फेब्रुवारी 2023 पर्यंत आम्हांला सोनसोडो येथील कचऱ्याचे बायोरेमेडिएशन पूर्ण करायला हवे. न्यायालयाने पण हीच तारीख दिल्याचे त्यांनी सांगितले.