Solar Ferryboat Canva
गोवा

Solar Ferryboat: धूळखात पडलेल्या 3 कोटींच्या सौर फेरीबोटीचा होणार लिलाव? सरकारसाठी ठरला तोट्याचा सौदा

Solar electric ferry: सरकारने पर्यावरणपूरक आणि आधुनिक वाहतुकीला चालना देण्यासाठी सौरऊर्जेवर चालणारी फेरीबोट बांधण्याचा निर्णय घेतला होता.

गोमन्तक डिजिटल टीम

Solar ferry Goa

पणजी: राज्य सरकारने ऑक्टोबर २०२२ मध्ये ३ कोटी ९७ लाख रुपये खर्चून बांधून घेतलेली सौर इलेक्ट्रिक हायब्रीड फेरीबोट विकण्याशिवाय आता नदी परिवहन खात्यासमोर पर्याय राहिलेला नाही. केवळ उपचार म्हणून ही फेरीबोट भाड्याने चालवण्यास देण्यासाठी पुन्हा निविदा मागवण्यात येणार आहेत, अशी माहिती मिळाली आहे.

या फेरीबोटीची प्रवाशी क्षमता ६० आहे. १३ ऑक्टोबर २०२२ रोजी ती आणल्यानंतर चोडण ते पणजी मार्गावर चालवण्याचा अयशस्वी प्रयत्न करण्यात आला. फेरीबोट चालवणे कठीण झाल्याने ती खासगी कंपनीने पर्यटन क्षेत्रात वापरण्यासाठी भाडेपट्टीवर घ्यावी यासाठीही प्रयत्न करण्यात आले.

त्यासाठी मागवलेल्या निविदेला म्हणावा तसा प्रतिसाद न मिळाल्याने, पुन्हा निविदा मागवण्याचे ठरवण्यात आले आहे. अलीकडे बंदर कप्तान खात्याने विनावापर असलेली टगबोट भंगारात विकण्यासाठी जाहिरात दिली त्या धर्तीवर सौर फेरीबोट विकण्याचा विचार केला जाऊ शकतो.

सरकारने पर्यावरणपूरक आणि आधुनिक वाहतुकीला चालना देण्यासाठी सौरऊर्जेवर चालणारी फेरीबोट बांधण्याचा निर्णय घेतला होता. ही फेरीबोट रोरो सेवेसाठी उपयोगात आणता येईल का, यासाठी केरळमध्ये पाहणी करून नंतर तिची निर्मिती करण्यात आली.

मात्र, प्रत्यक्षात ही फेरीबोट गोवा सरकारच्या नदी परिवहन खात्यासाठी डोकेदुखीच ठरली आहे. अनेक तांत्रिक आणि प्रशासनिक अडचणींमुळे ही बोट धुळखात पडली.

तोट्याचा सौदा

सौरऊर्जेवरील वाहतुकीचा चांगला उपक्रम नियोजनाअभावी अपयशी ठरल्याचे हे उत्तम उदाहरण आहे. ही फेरीबोट सरकारसाठी तोट्याचा सौदा ठरली असून, तिला विकण्याचा निर्णय लवकरच घेतला जाऊ शकतो.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

विमान धावपट्टीवर पोहोचताच तांत्रिक बिघाड, प्रवाशांना उतरवून केली पुन्हा तपासणी; 'फ्लाय-91'मध्ये गोवा-पुणे प्रवाशांची गैरसोय

International Tiger Day: 2022 मध्ये गोव्यात 6 वाघ दिसले, पुढे काय..?

Goa Assembly Session:राज्यात अनेक घर फोड्या करून सोन्याचे दागिने व रोख रक्कम लंपास केलेल्या आरोपीला अटक

Bicholim: ..शुभ्र जलधारा कोसळती! डिचोलीतील धबधब्यावर पर्यटकांची गर्दी; आबालवृद्ध लुटताहेत आनंद

Goa Assembly: परराज्यातील दुचाकींची राज्यात नोंदणी व्हावी! दिलायला लोबोंची मागणी; टॅक्सी व्यवसाय संरक्षित करा असे आवाहन

SCROLL FOR NEXT