सासष्टी: गोव्यात जास्त झोपडपट्ट्या सूचित नाहीत. एक-दोन आहेत. त्यांच्यासाठी वेगळे धोरण आखले जाईल. झोपडपट्टी पुनर्वसन प्रक्रिया सुरू आहे, असे मुख्यमंत्री डॉ. प्रमोद सावंत यांनी सांगितले.दक्षिण गोवा व कुशावती जिल्ह्यातील कार्यकर्त्यांशी मुख्‍यमंत्र्यांनी आज मडगावात संवाद साधला. त्‍यानंतर पत्रकारांशी ते बोलत होते.

‘माझे घर’ योजनेबाबत बोलताना मुख्‍यमंत्री म्‍हणाले की, कायदेशीरदृष्ट्या सर्व अभ्यास करून ही योजना तयार करण्यात आली आहे. सर्व बाबींचा विचार करण्यात आला आहे. त्यामुळे उच्च किंवा सर्वोच्च न्यायालयात मोठे प्रश्न उपस्थित होणार नाहीत.

दरम्‍यान, अनेक कार्यकर्त्यांनी यावेळी समस्‍या मांडल्‍या. तसेच आमदार नीलेश काब्राल, आमदार उल्हास तुयेकर, द‌क्षिण गोवा जिल्हा पंचायतीचे अध्यक्ष सिद्धार्थ गावस देसाई व पंच रुपेश देसाई यांनी मुख्यमंत्र्यांची भेट घेऊन समस्‍या मांडल्‍या.