Siolim Accident: म्हापसा - गणेशपुरी येथून शिवोली येथे माती वाहतूक करणाऱ्या ट्रकचे ब्रेक फेल झाल्याने मार्ना येथील उतारावर ट्रक झाडाला आदळून पलटी झाल्याची घटना घडलीय.

या घटनेत ट्रक चालक जखमी झाल्याची माहिती समोर येतेय. या घटनेसंबंधी मिळालेल्या प्राथमिक माहिती नुसार म्हापसा गणेशपुरी येथून कृष्णा राठोड हा आपल्या ताब्यातील ट्रक (गाडी नंबर GA 03 K 6342) माती भरून शिवोली येथे निघाला होता.

शिवोली येथील एका तीव्र वळणावर ट्रकचे ब्रेक फेल झाले. त्याच वेळी समोरून येणाऱ्या कार आणि दुचाकीस्वाराला वाचवण्याच्या नादात ट्रक लगतच्या काजूच्या झाडावर जाऊन आदळला.

या घटनेत वेगात असलेला ट्रक जागीच पलटी झाला आणि काजूचे झाड मोडून ट्रकवर पडले. सुदैवाने या अपघातात कोणतीही जीवित हानी झाली नसून ट्रक चालकाच्या हाताला आणि डोक्याला दुखापत झाल्याची माहिती मिळतेय.

रस्त्याच्या मधोमध ट्रक पलटी झाल्याने चारचाकी आणि अन्य वाहने अडकून पडली आहेत. तर रस्त्याच्या कडेने फक्त दुचाकीस्वार मोठ्या शिकस्तीने जात आहेत. हा अपघात सोमवारी सकाळच्या सुमारास घडल्याचे समजतेय. या घटनेसंबंधी सविस्तर माहिती अपडेट करीत आहोत.