Goa Scandal: वासनाकांडासंबंधीचे जे आरोप करण्यात आले आहेत ते सत्य असल्याचे सांगून काँग्रेसचे उमेदवार संकल्प आमोणकर, त्यांची पत्नी नगरसेविका श्रद्धा आमोणकर यांनी श्रीदेव दामोदर समोरच्या श्रीफळावर हात ठेवून प्रमाण घेतले. सरकार, पोलीस (Police) यंत्रणा इत्यादींना मॅनेज करता येईल. परंतु जगातील सर्वश्रेष्ठ शक्ती असलेल्या देवाला कोणी मॅनेज करू शकत नाही, असा दावा आमोणकर यांनी यावेळी केला. या प्रकरणी आपण संबंधित पुराव्यासह उच्च न्यायालयात याचिका दाखल करणार असल्याचे त्यांनी सांगितले.

मुरगाव काँग्रेस महिला गट समितीने 21 रोजी पत्रकार परिषद आयोजित नाईक यांनी सोमवारी दामोदर मंदिरात येऊन श्रीफळावर हात ठेवून हे प्रकरण खोटे असल्याचे प्रमाण करावे, असे आवाहन करण्यात आले होते. तेव्हा संकल्प आमोणकर यांच्या कुटुंबानेही सदर प्रमाण करण्यास तयार असल्याचे सांगितले होते.

ठरल्याप्रमाणे सोमवारी आमोणकर हे पत्नी श्रद्धा, दोन्ही मुले, आईवडील, भाऊ यांच्यासह दामोदर मंदिरात आले व त्यांनी श्रीफळावर हात ठेवून प्रमाण घेतले. भटजीने गाऱ्हाणे घातले. मिलिंद नाईक (Milind Naik) यांनी मंदिरात येऊन सत्य सांगावे. हे प्रकरण येथेच संपवूया, असे आवाहन आमोणकर यांनी यावेळी केले. प्रकरण खोटे असते तर मी पत्रकार परिषद घेतल्यावर नाईक यांनी ते प्रकरण खोटे असल्याचे स्पष्टीकरण दिले असते. परंतु तसेच स्पष्टीकरण त्यांनी दिले नाही, असेही ते म्हणाले.