Goa Fire: सत्तरी गेल्या काही दिवसापासुन अनेक ठिकाणी आग लागण्याची घटनेत वाढ झाली आहे. आज शनिवारी दुपारी 3 च्या सुमारास गुळेली पंचायत क्षेत्रातील मेळावली येथील कचरा प्रकल्पाच्या शेडीला आग लागुन येथे असलेला कचरा पुर्ण जळुन खाक झाला आहे.

तसेच येथे असलेली पत्र्याची शेड जळाली. तसेच गुळेली येथे पुलाजवळ रस्त्याच्या बाजुला आग लागली, त्याचवेळी पाडेली पुलाजवळ काजु झाडाच्या बाजुला आग लागली.

त्याचबरोबर गुळेली येथे आणखी एका ठिकाणी आग लागली. महत्वाचे म्हणजे एकाच पंचायत क्षेत्रात व एकाच मार्गावर ही आग लागली होती.

यावेळी वाळपई अग्नीशमनचा दलाच्या जवानांना या घटनेची माहीती मिळताच दोन गटातील सर्व परिसराची आग पाण्याच्या फवारा मारुन आटोक्यात आणली.

त्याचबरोबर शेळ मेळावली येथील कचरा प्रकल्पातील कचऱ्याला लागलेली आग विझविण्यात जवानांना यश आले. यावेळी जवानानी आग इतत्र जावू नये म्हणून खबरदारी घेतली.

मात्र त्या ठिकाणी प्लास्टिक कचरा असल्याने आग पेटणी सुरु होते. त्यामुळे गुळेली पंचायतीतर्फे उपाय योजना करण्यात येत आहे.

यावेळी मिळालेली मिळाती नुसार एकाच वेळी एकाच मार्गावर ही आग लागली होती. त्यामुळे ही आग जाणुन बुजून लावल्याचा अंदाज वर्तवीला जात आहे.

मेळावली येथील कचरा प्रकल्पात असलेली शेड जळाली त्यामुळे अंदाजे 25 हजाराच्या वर शेडीचे नुकसान झाले आहे.

यावेळी अग्नीशमन दलाचे सहाय्यक अधिकारी श्रीकांत गावकर यांच्या मार्गदर्शनाखाली प्रसाद नाईक, रुपेश सालेलकर, सोमनाथ गावकर, प्रितेश गावकर, प्रदीप गावकर, अशोक नाईक, रुपेश गाकर आदींनी मदत कार्य केले.