पणजी: (Goa) आझादी का अमृत महोत्सवाच्या निमित्ताने भारतीय नौदल सेलिंग ( Sailing expeditions) असोसिएशन (आयएनएसए)च्या अंतर्गत कोचीन ते गोवा ऑफशोअर सेलिंग रेगाटा आयोजित केली आहे. सहा भारतीय नौदल नौकानयन जहाजे म्हादई, तारिणी, बुलबुल, नीलकंठ, कदलपुरा आणि हरियाल या स्पर्धेत सहभागी होणार आहेत.

ही मोहीम रविवारपासून (ता. 24) पाच दिवसांच्या कालावधीत होणार आहे. नेव्हल बेस कोचीन ते गोवा अशी ही मोहीम असेल.

नौदल, एएनसी आणि आयएचक्यू एमओडी (नेव्ही)च्या तीन कमांडमधून निवडलेले सहा नौदल कर्मचारी या जहाजांवर तैनात असतील. याशिवाय, यॉटिंग असोसिएशन ऑफ इंडियाशी संलग्न नागरी क्लबचे ओशन यॉट्सदेखील या कार्यक्रमात सहभागी होणार आहेत. या मोहिमेचे आयोजन भारतीय नौदलाच्या ओशन सेलिंग नोड, भारतीय नौदल सेवा मांडवी- गोवा यांच्याकडून केले आहे.