Cacora Accident Case: राज्यात सुरू असलेल्या अपघातांच्या मालिकेमुळे सरकार आणि वाहतूक पोलिसांपुढे मोठे प्रश्नचिन्ह उभे राहिले आहे. आज (मंगळवार) काकोडा येथे झालेल्या अपघातात एकजण जखमी झाला आहे.
काकोडा औद्योगिक वसाहतीजवळ एका सँट्रो कारने दुचाकीला धडक दिली. यामध्ये एकजण जखमी झाला असून त्याच्या पायाला दुखापत झाली आहे. जखमी व्यक्तीच्या छातीत दुखत असल्याने त्याला खासगी रुग्णालयात हलवण्यात आले असून त्याचे नाव अब्दुल शेख (25, कुडचडे) असे आहे. कुडचडे पोलिसांनी या घटनेचा पंचनामा केला.
दरम्यान, काल काणकोण येथे सोमवारी मध्यरात्री झालेल्या अपघातात गंभीर जखमी एका 20 वर्षीय युवकाचा मृत्यू झाला आहे. हा युवक मूळ कर्नाटकातील असून तो सध्या न्यूवाडा भाटपाल येथे राहत होता. एका मित्राला घरी पोहचवून येताना हा अपघात झाला. या अपघातात अन्य दोघे युवक जखमी झाले असून एकावर रुग्णालयात उपचार सुरु आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.