Ribandar Road Closed उत्तर गोवा जिल्हाधिकार्‍यांनी नुकतीच एक महत्वाची बातमी दिलीय. 22 सप्टेंबरपर्यंत स्मार्ट सिटी मिशन अंतर्गत होणाऱ्या कामकाजासाठी आणि देखभालीसाठी रायबंदचा विठ्ठल मंदिर ते सीबी कार्यालयापर्यंतचा रस्ता बंद करण्याचे आदेश दिले आहेत. उत्तर गोव्यात जाणाऱ्यांसाठी ही महत्वाची बातमी असून या रस्त्याने जाणाऱ्यांसाठी पर्यायी मार्गाचा वापर करावा लागणार आहे.

काही वर्षांपूर्वी या रस्त्याचा भाग अचानक खचला होता. त्यामुळे हा मार्ग वाहतुकीसाठी बंद ठेवण्यात आला होता आणि आता पुन्हा स्मार्टसिटी अंतर्गत होणाऱ्या कामकाजासाठी हा रास्ता बंद ठेवण्यात येणार असल्याची माहिती मिळतेय. 19 सप्टेंबरला गणपती उत्सव असून नेमका याच कालावधीत रस्ता बंद राहिल्याने वाहनधारकांची गैरसोय होण्याची शक्यता आहे.