Goa: शिवोली मतदारसंघातील (Siolim Constituency) विविध पंचायत क्षेत्रांत रिव्‍होल्‍युशनरी गोवन्सच्या (RG) तरुणांनी ‘घर घर चलो अभियाना’स (Let's go home campaign) सुरुवात केली आहे. येत्या विधानसभा निवडणुकीसाठी (Goa Assembly Election 2022) शिवोलीतून ‘आरजी’च्या उमेदवाराची निवड करण्यासाठी करण्यात येत असलेला तो एक प्रचाराचा भाग असल्याचे ‘आरजी’चे गौरेश आगरवाडेकर यांनी दै. ‘गोमन्‍तक’ला सांगितले.

राष्ट्रीय पक्षांकडून गोव्याची तसेच येथील स्थानिक जनतेची झालेली कुचंबणा आणि मानहानी रोखण्याची वेळ आली असून, राज्याला ‘आरजी’शिवाय पर्याय नसल्याचे त्यांनी यावेळी सांगितले. राज्याची प्रगती म्हणजे नुसते नदीवरील पूल आणि निसर्गाचा नाश करून उभारण्यात येत असलेले मेगा प्रोजेक्ट नसून, जोपर्यंत येथील स्थानिक नागरिक स्वतःला स्वतःच्या राज्यात सुरक्षित समजत नाहीत, तोपर्यंत अशा विकासाला गोमंतकीय जनता भकास हेच नाव देणार यात शंका नसल्याचे आगरवाडेकर यांनी सांगितले.