पणजी: राज्यातील २०१० ते २०२६ या कालखंडातील जून महिन्यातील पावसाच्या आकडेवारीच्या अहवालानुसार, यंदा गोव्यात १ ते २० जून या कालावधीत पावसाची विक्रमी तूट नोंदवली गेली असून हा काळ २०१० नंतरचा दुसऱ्या क्रमांकाचा सर्वाधिक कोरडा काळ ठरला आहे.

२०१० ते २०२६ या वर्षांमध्ये २० जूनपर्यंत सर्वाधिक कमी पाऊस झालेल्या पहिल्या दोन वर्षांमध्ये २०२३ आणि चालू वर्ष यंदाच्या वर्षाचा समावेश आहे. राज्यातील एकंदरीत जूनच्या पावासाची आकडेवारी पाहता सर्वसामान्यपणे जूनच्या पहिल्या २० दिवसांत मोठी तूट असली, तरी महिन्याच्या शेवटच्या १० दिवसांत (२१-३० जून) पावसात मोठी सुधारणा होते, असा हवामान विभागाचा अंदाज आहे.

यंदाही शेवटच्या दहा दिवसात पाऊस मोठ्या प्रमाणात पावसाची तुट भरून काढण्याची शक्यता नाकारता येत नाही. २०२३ मध्ये शेवटच्या दहा दिवसांत पावसाची तूट +४० टक्के पावसाने भरून निघाली होती आणि महिन्याअखेर ही तूट -३०% वर आली होती. २०१० आणि २०२२ मध्ये देखील जून अखेरपर्यंत पाऊसही पावसाचा असलेला तुटवडा भरून निघाला होता.

१ जून ते २० जूनपर्यंत वर्षवार पावसाचा आढावा

जूनमध्ये २० ते ५९ टक्के अधिक पाऊस पडलेले वर्ष - २०११, २०२०, २०२१, सामान्य पाऊस (१९ टक्के अधिक कमी) पडलेले वर्ष- २०१२, २०१३, २०१५, २०१७, २०१८, २०२४, २०२५. कमी पाऊस २० ते ५९ टक्के कमी पाऊस पडलेले वर्ष - २०१०, २०१४, २०१९, २०२२ ,६० टक्क्याहून कमी पावसाची नोंद - २०२३, २०२६

१९ जूनपर्यंत १६६ मिमी पाऊस

२०२३ साली राज्यात ११ जून रोजी मॉन्सूनचे आगमन झाले होते. २० जूनपर्यंत केवळ १६५ मिमी पाऊस पडला, जो नेहमीच्या सरासरीपेक्षा (५७३ मिमी) -७१% कमी होता. यंदा (२०२६) साली राज्यात ५ जून रोजी मॉन्सूनचे आगमन होऊनही १९ जूनपर्यंत केवळ १६६ मिमी पाऊस पडला आहे. ही तूट देखील सरासरीच्या -७१ टक्के एवढी आहे.