पणजी : (Goa Rain Update) आज ऐन सुट्टीच्या दिवशी मुसळदार पावसाची (Rain) शक्यता हवामान खात्याच्या (Meteorological Department) वेधशाळेने वर्तविली आहे. शनिवारी देखील राज्यात यलो अलर्ट जारी करण्यात आला होता. राज्यात बहुतेक ठिकाणी पावसाने झोडपून काढले. राज्यात शनिवारी 16.3 मि.मी.इतक्या पावसाची नोंद झाली.

सत्तरी, साखळी आणि वाळपई परिसरात दमदार सरी कोसळल्या. इतर भागांत तुरळक सरी पडल्या. रविवारी (ता. 7) पावसाच्या जोराबरोबरच वादळी वारेही वाहणार आहेत. समुद्रात 50 ते 60 कि.मी. प्रतितास वेगाने वारे वाहणार असल्याने मच्छीमारांना दक्षतेचा इशारा देण्यात आला आहे.