पणजी: महाराष्ट्राच्या पश्चिम भागात सुरू असलेल्या मुसळधार पावसाचा गोव्यावरही परिणाम झाला आहे. त्या ठिकाणी पडत असलेल्या पावसामुळे गोव्यातील आंतरराज्य खासगी बस वाहतूक विस्कळीत झाली आहे.

मुंबई, पुणे या शहरांकडे जाणाऱ्या खासगी बसेस मोठ्या संख्‍येने बंद राहिल्याची माहिती उपलब्ध झाली आहे. याशिवाय या मोठ्या शहरांकडे जाणाऱ्या कदंब परिवहन महामंडळाच्या बससेवेवरही परिणाम झाल्याचे दिसून आले.

दरम्यान, मुसळधार पावसामुळे सोमवारी पुणे-मुंबई महामार्गावरील ‘मिसिंग लिंक’ येथे दरड कोसळल्याने हा मार्ग वाहतुकीसाठी बंद करावा लागला. रस्त्यावरील राडारोडा काढण्याचे काम रात्री उशिरापर्यंत सुरू होते.