Goa: 'भारतमाता की जय' (Bharat Mata ki Jay) या संघटनेने हिंदुसमाज रक्षणार्थ निर्माण केलेले 'हिंदु रक्षा दल' (Hindu Raksha Dal) हे नितीन फळदेसाई (Nitin Faldesai) यांच्या नेतृत्वाखाली युनिट 'राष्ट्रीय बजरंग दला'त (Rashtriy Bajrang Dal) विसर्जित करण्याच्या प्रस्तावावर 'भारत माता की जय' संघटनेने अनुकुलता दर्शवली आहे. 'भारत माता की जय' संघटनेचे संघचालक प्रा. सुभाष वेलिंगकर (Prof. Subhash Velingkar) यांनी पत्रकातून दिलेल्या माहितीनुसार राज्य कार्यवाह प्रा.प्रविण नेसवणकर, व्यवस्थाप्रमुख सूर्यकांत गावस, राज्य सदस्य विनायक च्यारी व नितीन फळदेसाई यांच्या उपस्थितीत या विषयावर चर्चा होऊन, प्रस्तावास अनुकुलता व्यक्त करण्यात आली.

विश्व हिंदुपरिषदेचे माजी आंतरराष्ट्रीय कार्याध्यक्ष व आताचे आंतरराष्ट्रीय हिंदु परिषदेचे आंतरराष्ट्रीय अध्यक्ष प्रविणभाई तोगाडिया यांच्या सूचनेवरून, या संघटनेचे महाराष्ट्र व कोंकण प्रांताचे कार्यवाह दिनेश पाटिल यांनी आज, भारतमाता की जय संघ, गोवा चे राज्य संघचालक प्रा. सुभाष वेलिंगकर यांची त्यांच्या पणजी येथील निवासस्थानी भेट घेतली. राष्ट्रीय बजरंग दलाची स्थापना गोव्यात करण्याच्या दृष्टीने ही भेट होती.

भारतमाता की जय चे हिंदुसमाज रक्षणार्थ निर्माण केलेले " हिंदु रक्षा दल" राष्ट्रीय बजरंग दलात विसर्जित करण्याच्या प्रस्तावावर यावेळी चर्चा झाली. दिनेश पाटिल (Dinesh Patil) यांच्या समवेत हिंदु रक्षा दलाच्या कार्यकारिणीची तातडीची बैठक सहमतीच्या दृष्टीने फोंडा येथे घेण्यात आली. अशी माहिती प्रा. वेलिंगकर. यांनी दिली आहे.