Subhash Shirodkar: सहकार क्षेत्रात व्हीपीके अर्बनचे कार्य उल्लेखनीय असून सहकाराच्या माध्यमातून व्हीपीकेने तळागाळातील गरजवंतापर्यंत पोचावे आणि सहकाराचा उद्देश सफल करावा, असे आवाहन राज्याचे सहकारमंत्री सुभाष शिरोडकर यांनी केले.

व्हीपीके अर्बन कोऑपरेटिव्ह सोसायटीतर्फे आयोजित करण्यात आलेल्या 69व्या सहकार सप्ताह कार्यक्रमात प्रमुख पाहुणे म्हणून सुभाष शिरोडकर बोलत होते. हा कार्यक्रम शुक्रवार म्हार्दोळ येथील पंचायत सभागृहात झाला.

कला संस्कृतीमंत्री गोविंद गावडे, सहकार निबंधक विशांत गावणेकर, सहकार भारतीचे सुभाष हळर्णकर, वेलिंग प्रियोळ कुंकळ्ये सरपंच हर्षा गावडे, उपसरपंच रुपेश नाईक, व्हीपीकेचे अध्यक्ष दुर्गादास गावडे, उपाध्यक्ष सूर्यकांत गावडे, संचालक हिरू खेडेकर तसेच इतर संचालक उपस्थित होते. गावडे म्हणाले, व्हीपीके अर्बनने सामाजिक क्षेत्रात चांगले कार्य केले आहे. सुभाष हळर्णकर, विशांत गावणेकर यांनीही व्हीपीकेला शुभेच्छा दिल्या. सूत्रसंचालन अशोक गावडे यांनी केले.

तिघांचा सन्मान...

व्हीपीके अर्बन पतसंस्थेने यावेळेला विविध क्षेत्रात उल्लेखनीय कार्य केलेल्या तिघाजणांना सन्मानित केले. त्यात साहित्य क्षेत्रात रामनाथ गावडे, क्रीडा क्षेत्रात युतिका सतरकर तसेच सामाजिक क्षेत्रात नीतिन शिवडेकर यांचा समावेश होता. सहकारमंत्री सुभाष शिरोडकर यांच्या हस्ते त्यांचा सन्मान करण्यात आला.