अन्सोळे-भिरोंडा सत्तरी येथे काल (सोमवारी) रात्री 8:30 च्या सुमारास एक मोठा स्फोट होऊन येथील परिसर हादरला. हा स्फोट एका खासगी मालमतेतील पंप- हाऊसमध्ये झाला. या प्रकरणी वाळपई पोलिसांनी नासीर हुसेन जमादार (53, रा. नुहा कॉलनी नागवे) याला रात्री अटक केली.
परिसरात पोलिस बंदोबस्त तैनात करण्यात आला आहे. स्फोटानंतर परिसरात वास (दुर्गंधी) पसरली आहे. त्यामुळे हे जिलेटीन आहे की, आणखीन काही याचा शोध पोलिस घेत आहेत.
या स्फोट एवढा भयंकर होता की, त्याचा आवाज सुमारे पाच कि. मी. अंतरावर पोहचला. त्याचबरोबर एक किमी परिसरातील घरांच्या भिंती, तावदाने, छपरांचे, खिडक्या दरवाजे आदींचे मोठ्या प्रमाणात नुकसान झाले आहे.
पोलिसांनी दिलेल्या माहितीनुसार सविस्तर माहिती अशी की, हुसेन यांनी आपल्या मालमत्तेतील गोदामात अवैधरित्या स्फोटक पदार्थ साठवून ठेवले होते आणि त्याचा स्फोट झाल्याने गोदाम, मुख्य गेट व संरक्षक भिंत तसेच परिसरातील घरांचे नुकसान झाले.
तसेच संशयित सहा महिन्यांपूर्वी बेकायदा ढिगारा खाणीचा व्यवसाय चालवत होता आणि यासाठी स्फोटके खरेदी करून ती साठवून ठेवल्याचे उघडकीस आले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.