Panjim Municipal Corporation पावसाळा सुरू झाल्याने राजधानीत अनेक ठिकाणी गटारे तुंबण्याचे प्रकार घडत आहेत. त्यामुळे गटारे तुंबल्याच्या आलेल्या तक्रारीनंतर गटारांची सफाई करण्याचे काम सध्या महानगरपालिकेद्वारे सुरू आहे.
मात्र, गटारांची शंभर टक्के सफाई केल्याचा दावा महानगरपालिका आजही करीत आहे. महानगरपालिकेने गटारांची साफसफाई झाल्याचे सांगितले गेले असले तरी अनेक ठिकाणी गटारांची सफाई झाली का? असा प्रश्‍न उपस्थित होतो.
शहरातील मांडवी कॉर्नरजवळील तनिष्क शोरूमसमोर गटार भरले असून, त्यातून घाण पाणी वर येत आहे, तरीही त्याकडे कोणाचे लक्ष नसल्याचे दिसून आले. याच ठिकाणी काही दिवसांपूर्वी सरकारी शाळेसमोरील गटाराची सफाई करण्यात आली होती.
महानगरपालिकेने शंभर टक्के गटारांची सफाई झाल्याचा दावा केला आहे. याविषयी उपमहापौर संजीव नाईक म्हणतात, पहिल्या पावसाने गटारातूंन वाहून आलेल्या कचऱ्यामुळे 18 जून मार्गावरील गटार तुंबले आणि पाणी साचण्याचा प्रकार घडला.
आता आम्ही पुन्हा एकदा गटारांची म्हणजे कचरा साचलेल्या ठिकाणांची सफाई करण्याचे काम सुरू केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.