मये मतदार संघातील ग्रामपंचायतीसाठी 82 वर्षीय एका व्यक्तीने आपला उमेदवारी अर्ज दाखल केला होता. भागो वरक नामक या व्यक्तीने भाजपमार्फत आपला अर्ज भरला अन् नेटाने निवडणूक लढली. केवळ लढली नाही ते निवडून ही आले आहेत. या निमित्ताने राज्याचे मुख्यमंत्री डॉ. प्रमोद सावंत यांनी याबाबत वरक यांचे विशेष कौतूक करत त्यांचे अभिनंदन केले आहे.

(Goa Panchyat Election 2022: Chief Minister Pramed Sawant congratulates 82-year-old Bhago Varak)

हर घर तिरंगा या कार्यक्रमाच्या निमित्ताने मुख्यमंत्री आले असता यावेळी मूख्यमंत्री म्हणाले की, या वयात वरक यांची समाजाची सेवा करण्याची तयारी आपल्याला खुप काही शिकवणारी आहे. भारतीय जनता पक्षाचे ते वैशिष्ट्य आहे की, सामान्य कार्यकर्त्याला कायम संधी दिली जाते त्याप्रमाणे यावेळी संधी दिली गेली. या संधीचं वरक यांनी सोनं केलं आहे.

मिळालेल्या माहितीनुसार कुडचडे पंचायत क्षेत्रातील मये मतदार संघात असणाऱ्या वार्ड नंबर 6 मधील 82 वर्षीय भागो वरक नामक व्यक्तीने पुन्हा एकदा पंच म्हणून आपला प्रवेश निश्चित केला आहे. वरक यांनी 1998 मध्ये आपली पहिली पहीली विजश्री खेचून आणली होती.

यानंतर आता ते पुन्हा पंच असणार आहेत. आपण हा लढा केवळ लोकांच्या आग्रहाखातर लढणार आहोत. तसेच वाड्यावरील सुधारणा करण्यासाठी आपण विषेश प्रयत्न करणार असल्याचं ही त्यांनी माध्यमांशी बोलताना सांगितलं आहे.

Goa panchayat Election 2022: दक्षिण गोव्यात सत्ताधाऱ्यांना यश

मडगाव: एक सासष्टी तालुका वगळता दक्षिण गोव्यातील उर्वरित सहा तालुक्यांत सत्ताधारी भाजप आमदारांनी आपली पत राखून ठेवली असून या निवडणुकीने काँग्रेसचे अस्तित्व केवळ सासष्टीतील काही भागापुरते राहिल्याचे दाखवून दिले.

सासष्टी तालुक्यातील ३३ पैकी चांदर, गिरदोळी आणि माखाझन या तीन पंचायतींवर काँग्रेसचे कार्याध्यक्ष व कुंकळ्ळीचे आमदार युरी आलेमाव यांचे पॅनल निवडून आले तर वेळ्ळी पंचायतीवर काँग्रेसचे दक्षिण गोवा अध्यक्ष सावियो डिसिल्वा यांचे पॅनल निवडून आले.