पाळी: ओबीसी महासंघातर्फे पर्वरी येथे येत्या २५ रोजी आयोजित करण्यात आलेल्या बिंदेश्‍वरीप्रसाद मंडल जयंतीनिमित्तच्या भव्य कार्यक्रमासंबंधी जनजागृती सध्या जोरात सुरू असून पाळी पंचायतीला यासंबंधीचे निमंत्रण देण्यात आले आहे.

ओबीसी महासंघाचे अध्यक्ष मधू नाईक यांनी पाळी पंचायतीचे सरपंच संतोष नाईक यांच्याकडे बी. पी. मंडल यांची प्रतिमा भेट दिली. यावेळी पंचायतीच्या उपसरपंच तसेच इतर पंचसदस्य व नागरिक उपस्थित होते. जास्तीत जास्त नागरिकांनी या कार्यक्रमाला उपस्थिती लावावी, असे आवाहन मधू नाईक व इतरांनी केले.

बिंदेश्‍वरीप्रसाद मंडल यांनी ओबीसी समाजासाठी राखीवता देण्यात महत्त्वाची भूमिका बजावली होती, त्यांच्या स्मृती जागवण्यासाठी पर्वरी येथे येत्या २५ रोजी भव्य कार्यक्रम आयोजित करण्यात आला आहे. पाळीतील जागृतीवेळी ओबीसी महासंघाचे एक पदाधिकारी दामोदर नाडर व तसेच इतर मान्यवर उपस्थित होते.