Mormugao Municipal Council: मुरगाव मतदार संघात पालिका प्रभाग 9 मध्ये येथील नगरसेविका योगिता पार्सेकर यांच्यातर्फे अंगणवाडी मुलासाठी पोषण महिना साजरा करण्यात आला. सप्टेंबर 2022 हा महिना पोषण महिना म्हणून साजरा करण्यात येतो.

दरम्यान, त्यानुसार मुरगाव पालिका प्रभाग 9च्या नगरसेविका योगिता पार्सेकर यांनी या प्रभागातील चार अंगणवाडीतील मुलांसाठी पोषण महिना साजरा करून सुमारे 85 मुलांना फळांचे वाटप करण्यात आले. यावेळी पाल्यांच्या पालकांनाही फळांचे वाटप करण्यात आले. यावेळी नगरसेविका पार्सेकर यांच्यासह कार्यकर्ते मुले, बादशा वालीकर, परमेश हरिजन व पालक शिक्षक वर्ग यांच्या उपस्थितीत पोषण महिना साजरा करण्यात आला.

नगरसेविका योगिता पार्सेकर यांनी बोलताना, मन आणि शरीराच्या विकासासाठी फळांचे सेवन करणे अत्यंत महत्त्वाचे आहे. त्यासाठी पालकांनी आपल्या पाल्यांना शहरात फळे सेवन करण्यास द्यावी असे आवाहन केले. यावेळी नगरसेविका पार्सेकर यांच्या हस्ते उपस्थित अंगणवाडी मुलांना शिक्षकांना व पालकांना फळांचे वाटप करण्यात आले.